Dhoobley(Idaacadda Sanguuni)-Manchester City ayaa doonaysa in ay soo afjarto guul la’aanta 6 kulan ah ee tartamada oo dhan marka ay u safarto Anfield si ay imtixaan adag ugu qaado kooxda hogaanka u haysa Premier League ee Liverpool Axada.
Citizens ayaa u muuqatay in ay soo afjareen 5 kulan oo guul la’aan ah kadib markii ay 3 gool ku hor mareen kulankii Feyenoord ee champions League.
Laakiin kooxda reer Netherlands ayaa ku soo laabatay ciyaarta waxana ay ciyaartu ku dhamaatay bar-baro 3/3 ah.
Man City ayaa kulan kale oo adag la ciyaari doonta kooxda Liverpool kulan ka tirsan premier League.
Kooxda Pep Guardiola ayay ka maqnaan doonaan xiddigo muhiim ah sabab la xidhiidha dhaawac soo gaadhay.
Xiddigaha Rodri, Oscar Bobb, Mateo Kovacic, John Stones, Jeremy Doku ayaa ka mid ah xiddigaha ka dhaawacan kooxda.
