Dhoobleey(Idaacadda Sanguuni)-Kooxda kubadda cagta Manchester United ayaa usoo gudubtay wareegga laba-dhamaadka tartanka FA Cup, kaddib markii ay guul waqti dambe ah ka gaadheen sagaal ciyaartoy oo Fulham ah iyadoo saddex casaan uu daqiiqado gudaheed bixiyey garsoore
Labada kooxood ayaa si adag u xafiiltamay qaybtii hore, balse ku guul-darraystay inay wax goolal ah kala dhaliyaan, laakiin markii lagu soo noqday qaybta labaad ee ay toban daqiiqadood socotay ayay Fulham gool uu u dhaliyey Mitrovic la hormartay.
Beddelkii dahabka ayaa ayaa Manchester United ay heshay qaybtii dambe, waxaana usoo galay Antony oo noqday xiddiga guushan weyn sababta ugu ahaa Manchester United.
Bruno Fernandes ayaa gool u beddelay rikoodhaha loo dhigay kooxdiisa daqiiqaddii 75aad waxaanu dhinaca qaldan u diray goolhaye Leno.
Laba laba daqiiqadood kaddib ayay Manchester United sii dheeraysatay hoggaanka waxaana gool labaad u dhaliyey Marcel Sabitzer.
Iyadoo dhamaadka ciyaarta loo diyaar-garoobayo ayuu Fred kubbad usii daayey Bruno Fernandes oo isaguna gool u beddelay sidaas ayay ciyaartuna ugu soo dhamaatay 3-1.