Dhoobley(Idaacadda Sanguuni)-Kooxda Manchester United ayaa la sheegayaa inay go’aan ka qaadatay haddii ay doonayso inay racfaan ka qaadato kaadh casaankii uu halbawlaheeda khadka dhexe ee Casemiro ku qaatay kulankii Southampton.
Taylor ayaa marka hore qaladka uu Casemiro galay ku siiyay kaadh jaale ah balse garsooraha VAR fadhiyay oo ahaa Andre Marriner ayaa u wacay isagoo u sheegay inuu dib u daawado dhacdadaas oo go’aankiisii hore bedelo.
Marriner ayay taageerayaasha Man United si weyn u dhaliileen kaddib go’aanka uu VAR ugu wacay garsooraha maadaama oo uusan hal kaadh casaan sababin kulankii Sabtidii ee Chelsea v Leicester City markaas oo qaladaad dilaa ah xiddigaha Foxes sameeyeen.
Man United ayaa awooday inay dhibic ka hesho kulankaas oo ay badi 10 ciyaartoy ku ciyaaraysay balse waa ciyaartii labaad ee xidhiidh ah ee ay horyaalka dhibco lumiyaan.
