Dhoobleey(Idaacadda Sanguuni)-Goolhayaha Manchester City Ederson ayaa xirtay sharaabaad ama sigsaan Crystal Palace ah kulankii ay shalay Man City ka badisay Crystal Palace taasoo hadal-heyn ka dhalisay baraha bulshada.
Erling Haaland aya adhaliyay goolka kaliya ee ciyaarta oo rigoore ahaa, wuxuuna goolkiisii 28aad ee horyaalka ee 26 kulan uu saftay.
Laakiin hadal-heynta ciyaarta waxaa ugu weyneyd in goolhayaha Man City Ederson uu xirnaa sharaabaad ama sigsaanta martida ee Crystal Palace intii ay ciyaarta socotay oo dhan.
Madaama ay labada sharaabaad ee isku midabo yihiin, waxaa lagu qasbay goolhayaha Man City inuu iska bedelo sharaabaada ama sigsaanta, waxaana uu mid ka amaahday kooxda ay martida u ahaayeen ee Crystal Palace oo siisay sharaabaadooda ama sigsaantooda kulamada martida.
Baraha bulshada ayaa looga maadeystay arintaan iyadoo la tilmaamay in Ederson uu u dhaqmay sida ciyaar xaafadeed oo qof walba uu iska xirto wixii uu doono.